Matakan Nasara A Trading

Wannan littafin mai suna “Matakan Nasara a Trading ” na

rubuta shi ne don fayyace hanyoyin da za ka bi don kasancewa

a cikin jerin 10% na 'Successful Traders'. Za ka ga dalilin da

yasa 90% suke rashin nasara, sannan ka ga dalilin da ya sa 10%

ɗin suka yi suka samu nasara wanda in har ka yi amfani da

koyarwar da ke cikin wannan littafin in sha Allah za ka ga canji

a cikin 'trading career' naka, ko ince in sha Allah za ka canza

daga mai fafutukar da babu riba (struggling unprofitable trader)

zuwa ga wanda ya yi nasara yake samun riba (successful

profitable trader).

Da fari kafin mu shiga cikin wannan littafin, zan janyo hankalin

mai karatu, cewa wannan littafin ba kamar sauran littatafan

'trading pshycology' ba ne, ya sha bamban, ta warare da dama.

Ba wai za ku yi karo da sanannun abubuwa ba ne da kuka saba

ji, mafi akasarin abin da ke ƙunshe a wannan littafin ƙwarewa

ce (experience) ce, da kuma dabaru na musamman (personal

approach) irin wanda ya yi mun aiki, da kuma ɗalibai nawa

wajen mayar da ni 'consistently profitable trader'.

Abu na gaba shi ne, duk da littafin an rubuta shi ne da Hausa,

Akwai kalmomin turanci da dama da ban fassara su ba zuwa

Hausa, na yi hakan ne a sane don ina ganin barin su a Turanci

ne zai fi bani damar bayyana kaina da kyau yadda mai karatu

zai fi tsintar bayanan da ke cikin littafin yadda ya dace.